ВЕНГЕР, ЗБОРУВА ЗА ИДНИТЕ ТРАНСФЕРИ, И ЗА ЕДИНСТВЕНИОТ НОВ ИГРАЧ САНОГО.

-Венгер: Ќе бидеме активни на трансфер пазарот

Тренерот на Арсенал, Арсен Венгер е убеден дека неговиот тим е способен да се натпреварува со гигантите во Премиер лигата без да се засили со нови фудбалери.

"Никогаш порано не сум зборувал дека сме упатиле понуда до Ливерпул за трансферот на Суарез, но сега можам да потврдам дека ние упативме едeн предлог. Не можам да откријам други детали. Ако кај нас се појави нова информација, јас ќе ви ја соопштам. Ние сакаме да почитуваме одредени правила при вршење на трансферите и да ги почитуваме другите клубови ", рече тренерот на Арсенал.

"Пред нас има уште еден месец и ние активно ќе работиме на трансфер прозорецот, за да го засилиме составот. Но јас не сакам да зборувам за конкретни имиња, бидејќи не верувам дека ова ќе го поедностави процесот на преговорите", заврши Венгер.

Единственото ново засилување на "Емирати" е 20-годишниот Саного, кој пристигна од втората француска дивизија како слободен агент.

Венгер сепак е убеден дека младиот французин може да се претстави добро и со својата игра да стане еден од фудбалерите, за кого другите клубови можат да платат импозантна сума.

"Потпишавме со Саного, но тој не се најде на насловните страници. Зошто? Затоа што не чини 50-100 милиони фунти. Но јас сум целосно убеден дека тој ќе биде таму благодарение на играта и за мене тоа е најважно", изјави Венгер. 

РУНИ САКА ДА ГО НАПУШТИ ЈУНАЈТЕД. А КАДЕ ЌЕ ЗАМИНЕ ?

-  Руни со голема желба да го напушти Јунајтед

Напаѓачот Вејн Руни играше за Манчестер Јунајтед во натпреварот зад затворени врати против Бетис, но ситуацијата околу иднината на фудбалерот продолжува да биде напната. Овој успех на никаков начин не ги менува намерите на Руни, според информациите, 27-годишниот англичанец продолжува да сака да го напушти "Олд Трафорд" и во наредните денови се очекува да поднесе официјално барање за трансфер.

"Сега стана познато дека Вејн донел одлука да го напушти Јунајтед. Дејвид Мојс кон тоа нема никаков однос. Тој едноставно чувствува дека има потреба од ново искушение. Во клубот се сомневаат дека следната недела Руни ќе поднесе молба за трансфер", соопштува извор од "Олд Трафорд".

Во исто време Челси продолжува да ја "држи раката врз пулсот на ситуацијата" и се подготвува да испрати понуда од 40 милиони фунти. Првиот предлог на "сините" за Руни, кој беше во износ од 30 милиони фунти, "црвените ѓаволи" го одбија и изјавија дека Вејн не се продава.

ЈУНАЈТЕД СО ПЛАН-Б, ШВАЈНШТАJГЕР.

-  Манчестер Јунајтед е подготвен со План "Б" - Швајнштајгер

Англискиот шампион Манчестер Јунајтед има нова трансферна цел и тоа е полудефанзивецот на Баерн Минхен, Бастијан Швајнштајгер, тврди "Mirror". Ако можноста халфот на Барселона, Цеск Фабрегас да заигра на "Олд Трафорд" конечно пропадне, "црвените ѓаволи" се одлучиле да се насочат кон Бастијан, кој наполни 29 години пред неколку дена. Манчестер Јунајтед очигледно нема да се помири додека не  потпише со класен централен играч ова лето. Во последните недели со трансфер во "Театарот на соништата" се поврзани голем број имиња меѓу кои Фабрегас, Маруан Фелаини и Лука Модриќ. Останува да го видиме одговорот на Јунајтед во врска со позицијата на средината од теренот.

ПАЛАС ГО САКА ШАМАК НА ПОЗАЈМИЦА.

-  Кристал Палас го сака Шамак на позајмица

Новиот член во Премиер лигата, Кристал Палас ќе се обиде да го донесе во своите редови напаѓачот на Арсенал Маруан Шамак. Тимот има потреба од напаѓач и ќе направи сé за да го земе на позајмица мароканскиот голгетер на "топџиите". Шамак така и не успеа да го докаже својот потенцијал на "Емирати". Токму поради оваа причина Арсен Венгер напорно бара засилувања во предни позиции и нема да  прави особени пречки пред сличен трансфер.

ЕВЕРТОН МИНИМАЛНО ПОРАЗЕН ОД РЕАЛ СО 1:2 ВО САД.

-  Реал порази го Евертон во САД

Реал Мадрид го победи Евертон со 2-1 во пријателски натпревар од турнирот "Гинес" во САД. Шпанскиот тим стигна до успехот со головите на Кристијано Роналдо во 17-тата и Месут Озил во 31-та, а почесниот погодок за Евертон го постигна Никица Јелавиќ во 61-тата минута. Англичаните сепак можат да имаат претензии кон судијата поради доста дискутабилно поништениот погодок на Силван Дистен.

Евертон: Хауард, Коулман (Стоунс 82) Џагиелка, Дистен, Бејнс (Овиедо 82) Осман, Хејтинга (Гибсон 67) Фелаини (Баркли 67) Коне (Јелавиќ 46) Миралас (Делофеу 82)

 Реал: Касиљас (Лопез 46), Пепе, Рамос (Начо 46), Марсело (Коентрао 46), Арбелоа (Карвахал 46), Кедира, Модриќ (Касемиро 46), Иско (ди Марија 46), Озил (Черишев 86), Роналдо (Хесе 60) Бензема (Кака 77).

СИТИ И ЏЕЈМИ ОЛИВЕР ЌЕ СОРАБОТУВААТ ЗА ДОБРОТО НА НАВИВАЧИТЕ.

-  Манчестер Сити го менува менито на "Етихад" за 6 милиони фунти

Манчестер Сити го менува менито на стадионот "Етихад" со помош на 6 милиони фунти. Задача ја презеде една од најпознатите готвачи на островот Џејми Оливер. Соработката кон "граѓаните" датира од јануари 2013, но резултатите од неговите напори ќе станат видливи од новата сезона во Премиер лигата.

Оливер работи со американската компанија Legends, која ги снабдува навивачите на тимот со храна.

- Долго време Сити се однесуваше лошо со приврзеници - рече претседателот на Legends Дејв Чекатс. - Ги тераш да плаќаат за храна со низок квалитет и да се помируваат со лошото услуга.

Крајот на епохата "брза храна" во клубот сепак се гледа. Од следниот месец започнува проектот Fabuluos Fan Fayre, според кој близу 700 лица персонал ќе им продаваат на навивачите закуски од обновеното мени. Во него влегуваат седум нови хамбургери, пити, виршла и чипс. Сите ќе се подготвуваат од локални производи и ќе се нудат околу теренот, на трибините и во ВИП ложите. А навивачите конечно ќе можат да престанат да јадат храна со вкус на пластика.

Шефовите на тимот се надеваат дека инвестицијата за подоброто хранење на навивачите ќе се исплати на долг рок. Тие го спомнаа мислењето на поранешниот капитен на Манчестер Јунајтед, Рој Кин, според кого фановите се заинтересирани повеќе од сендвичите со ракчиња, отколку од фудбалот. Засега од Сити не ги најавија цените на новите пити и хот-дози, но од првичните информации ќе бидат со неколку пени поскапи од досегашните.

37-годишниот Џејми Оливер долго време пропагира повеќе квалитетното исхрана во училиштата на островот. Тој го одбра Манчестер Сити меѓу сите клубови од Премиер лигата, бидејќи клубот бил "подготвен" за промената. Во замена готвач вети дека нема да нуди хамбургери, чие месо е стационирани во замрзнувач осум месеци.

- Појадок на "Етихад" ќе бидат како во ресторан - вели Оливер. - Ако го пробате месото, ќе видите дека е многу покревко од обичното пилешко.

Покрај промените една од омилените закуски на британците - пита со пилешко - останува во менито на "Етихад". - Бидете смирени, доволно ми е страв од навивачите, за да ги лишуваме од навиките за нивните јадења - вели Оливер. - Само сакам да ја направам храната на стадионот на Сити најдобра во земјата.

ЊУКАСЛ СО НОВ СПОНЗОР ЗА ОНЛАЈН ОБЛОЖУВАЊЕ.

- Њукасл потпиша договорсо азискa обложувалница

Најновиот партнер на елитниот англиски клуб, Њукасл е азиската компанија за онлајн обложувања 138.com. Договорот беше проследен со активирање на нов сајт за обложување, и реклами на брендот на "Сент Џејмс Парк". Навивачите на клубот, пак, ќе можат да вложуваат не само на интернет, но и на стадионот во Њукасл. Азиската компанија е дел од регистрираната корпорација на островот Ман, Xela Holdings Group и влезе во англискиот фудбал во јуни, кога потпиша со Вотфорд.

РЕАЛ НА 5 РАТИ ЌЕ ГО ОТПЛАЌА БЕЈЛ ?

-   Бејл пристигнува во Реал на рати

Реал Мадрид ќе ги плати договорените над 100 милиони евра за привлекување на Гарет Бејл на 5 рати дознаа медиумите во Шпанија. Иако конкретната бројка на мултимилионната договор сеуште варира кај различни изданија, сите се категорични дека договорот ќе биде финализиран, штом двете страни ќе се разбере за начинот на плаќања.

Според весникот "Марка" Реал е подготвен да плати 100 милиони евра на 5 рати, првата рата нема да надминува 25 милиони. Тој ќе биде платено во следните недели, или барем таква е намерата на Флорентино Перез и луѓето од неговото опкружување.

Уште не се знае каква ќе биде реакцијата на Тотнем, каде нема да се многу среќни од слична опција. Ако сега "Спарси" добијат само 25 милиони евра, тогаш тие нема да се во можност да се борат, за своите цели на трансфер пазарот. Единствената опција пред нив е да се потпрат на политика, слична на онаа на Реал.

РЕДНАП ГО САКА ДЕФО ВО КПР.

-  Хари Реднап го сака Џермејн Дефо во КПР

Менаџерот на Квинс Парк Ренџерс Хари Реднап планира сензационален трансфер со привлекувањето на напаѓачот на Тотнем, Џермејн Дефо, пишува "Мирор" во денешното издание.

Специјалистот сака да ги врати лондончани во Премиер лигата уште следната година и се стреми да го засили подобро тимот за новата сезона во Чемпионшип дивизијата. Тој ќе се обиде да го убеди англискиот репрезентативец да поминете една сезона во второто ниво на англискиот фудбал и да помогне на лондонскиот тим. Ситуацијата со Дефо е малку нејасна. Околу него има доста шпекулации за иднината.

"Се обидувам да составам тим кој може да ги возбуди луѓето, и имам целосна поддршка од одборот на директори", појасни Реднап.

За потписот на Дефо сепак специјалистот ќе мора да се бори со Марк Хјуз, кој го сака англискиот репрезентативец во Стоук Сити.

Тој ја заврши минатата сезона со 15 постигнати погодоци, иако имаше периоди во кои страдаше од повреди.

Напаѓачот има уште две години до крајот на договорот со Тотнем. Според сегашни договор тој добива неделна плата од 65 илјади фунти.

ЛУГАНО ОФИЦИЈАЛНО ВО ВБА.

-  Диего Лугано премина во Вест Бромич

Вест Бромич Албион официјално го донесе во своите редови уругвајскиот дефанзивец Диего Лугано, кој пристигна во тимот од францускиот шампион ПСЖ.32-годишниот дефанзивец потпиша за 2 години со ВБА.

Минатата сезона тој играше на позајмица во шпанскиот клуб Малага, откако откако стана непотребен на "Парк Де Пренс".

Лугано ја започна својата кариера во Насионал Монтевидео, но во 2003 година направи трансфер во Сао Паоло. По три години во клубот тој преминува во редовите на Фенербахче, каде се натпреваруваше од 2006 до 2011 година. Следеше трансфер во ПСЖ, но Лугано се покажа вишок во тимот и беше пратен во Малага за една  сезона.

"Многу сум среќен што ќе имам можност да играм за УБА во следните две години". 

"Сепак ќе направам нешто што досега не сум го правел во мојата кариера. Ќе играм во Премиер лигата", додаде Лугано.

Од ПСЖ пак му заблагодарија преку својот официјален сајт на Лугано за професионализмот кој уругваецот го покажал, додека бил дел од клубот.

АНАЛИЗА НА НАТПРЕВАРИТЕ ВО ЧЕМПИОНШИП ДИВИЗИЈАТА.

-  Победи за Виган, КПР и Рединг

Херојот од финалето на ФА купот, Бен Вотсон постигна погодок, додека Виган ја започна со победа сезоната во која ќе се стреми кон враќање во Премиер лигата. Латикс  го надиграа со 4:0 Барнзли како гости на "Оукуел" во првиот круг од сезоната во Чемпионшип дивизијата.

Вотсон, кој ја донесе победата на Виган над Манчестер Сити во финалето на ФА Купот во мај, погоди за Виган во првиот дел, а по паузата тимот се запиша уште три пати во листата на стрелците, за да стартува со победа кариерат на новиот менаџер Овен Койл во редовите на Виган.

Летниот трансфер Грант Холт постигна погодок 10 минути по почетокот на вториот дел, за да зголеми на 2-0 за Виган. Во 66-тата минута Барнзли остана со човек помалку по истерувањето на Дејл Џенингс, а во последните 10 минути Лиан Барнет и Шон Малони се запиша, за да ги докрајчат "песовите".

Другите два тима кои испаднаа од елитата, КПР и Рединг, исто започнаа со победи.

Квинс Парк Ренџерс, сметан како фаворит за првото место во Чемпионшип дивизијата, заостануваше во резултатот против Шефилд Уензди откако Атде Нухиу постигна гол за "Бувовите" во 19-тата минута. Играчите на Хари Реднап сепак го свртеа резултатот со головите на Недам Онуоха (40) и Ендрју Џонсон (43). Сепак КПР се покажа во добро светло и доминираше во текот на второт полувреме, при што Хојлет, Форлин, Џонсон пропуштија многу добри прилики за гол. КПР заслужено ги освои бодовите на Лофтус Роуд.

Рединг исто така мораше да направи пресврт, за да го надигра Ипсвич на "Мадејски". Адам ле Фондер (45) и Дани Гатри (75) се запиша, за да го неутрализираат голаот на поранешниот играч на Рединг Џеј Таб во 16-тата минута.

Новиот член во Чемпионшип дивизијата Јоувил, кој за прв пат во својата историја игра на ова ниво, постигна историска победа со 1:0 како гостин над Милвол благодарение на гол на Ед Апсон во самиот финиш на играта, односно во 88 минута.

Борнемут, кој исто така дојде од Лига 1, ја започна сезоната со успех, надигрувајќи  го Чарлтон со 2:1. На домашен терен со погодоците на Грабен во 26 и 67 минута,  а за гостите голот го постигна Керморгент во 50 минута. Исто така гостите го завршија натпреварот со фудбалер помалку, исклучен беше Притчар во 84 минута.

Шампионот на Лига 1 Донкастер не можеше да се впише во победните серии на другите новаци во вториот ешалон во Англија, губејќи со 1:3 како домаќин на Блекпул. Головите ги постигнаа: Џонс (60) за Донкастер и Дејвис (17), МекКензи (88) и Том Инс (90). 

Ватфорд, кој минатата сезона го загуби финалето во плеј-офот во Чемпионшип дивизијата, ја започна новата сезона со победа 1:0 против Бирмингем, извојувана со гол на Трој Дин (11).

Хенри Лансбери пак се запиша во 52-тата минута, за да донесе успех на Нотингем над Хадерсфилд со 1:0.

Новото засилување на Лидс Лук Марфи (90) веднаш ги оправда вложените во средства во него, погоди  во самиот крајот на натпреварот, за да обезбеди успех над Брајтон со 2:1. 

Галебите поведоа после погодокот на Хозе Ујоа (13), но Рос Мекормак(19) израмни за Лидс, пред 23-годишниот Марфи да го постигне во 94-тата минута.

Лестер исто така имаше потреба од пресврт, за да го надигра со 2:1 како гостин Мидлзборо во возбудлив натпревар на "Риверсајд".

Лукас Јуткиевич (35) даде предност на Боро, но Лестер возврати со погодоците на Дани Дринкуотер(60) и Џејми Варди(68).

ЛИВЕРПУЛ СО ПОВИСОКА ПЛАТА ГО "НАМАМУВА" ДИЕГО КОСТА.

-  Ливерпул е подготвен да ја зголеми тројно платата на Коста

Ливерпул е подготвен значително да ја зголеми платата на напаѓачот на Атлетико Мадрид, Диего Коста, во случај ако играчот премине во таборот на "црвените". Според информациите на шпанските медиуми, во Англија бразилецот ќе заработува околу 4 милиони евра годишно.

Претходно се појавија информации дека Ливерпул е подготвен да плати за напаѓачот 25 милиони евра.

ВЕНГЕР: ДОБАР НАТПРЕВАР ПОМЕЃУ АРСЕНАЛ И НАПОЛИ.

-  Венгер: Одигравме добар натпревар

Менаџерот на Арсенал, Арсен Венгер ги сподели своите ставови за пријателскиот натпревар со Наполи во рамките на турнирот Emirates Cup.

"Тоа беше добар натпревар. Тимот играше со добра брзина против силен ривал. Наполи заврши втор во Серија А, тие играат многу добро на контранапад. По паузата нашата одбрана почна да игра многу добро, претходно му дадовме на противникот премногу слободен простор за напад", изјави Венгер.

"Наполи е одличен тим, многу добро организиран. Ми се допадна начинот на игра на нивните играчи од средниот ред. Веднаш се забележува дека нивните фудбалерите играат заедно од неколку години. Хамшик беше многу добар во првиот дел. Жервињо? Во моментов сме блиску до потпишување на договор со клубот во кој тој ќе игра ", рече Французинот.

ЈУНАЈТЕД НА ЗАТВОРЕН НАТПРЕВАР ГО ПОБЕДИ БЕТИС СО 3:0.

-  Манчестер Јунајтед го победи Бетис

Манчестер Јунајтед го победи Бетис со 3:0 во затворен пријателски натпревар, кој се одржа на теренот на тренинг база AON во Карингтон. Во дуелот учествуваа неколку фудбалери од првиот тим,  Вејн Руни, Луис Нани, Немања Видиќ и Хавиер Ернандез.

Од оваа четворка не успеа да се истакне само мексиканец, а Руни, Нани и Видиќ постигнаа по еден гол и обезбедија класична победа над Бетис.

Јунајтед: Џонстон, Вермијл, Кин, Видиќ, Блакет, Нани, Петручи, Екангамене, Кол, Ернандез, Руни.

РОЏЕРС: БЕЈЛ НЕ ЧИНИ ДВАПАТИ ПОВЕЌЕ ОД СУАРЕЗ.

-  Роџерс: Бејл не може да чини двојно повеќе од Суарез

Менаџерот на Ливерпул, Брендон Роџерс ги сподели своите ставови за тоа колку пари може да чини Луис Суарез.

"Секој фудбалер има своја цена, но погледнете го пазарот. Во случајот со Гарет Бејл станува збор за 100 милиони фунти, а Гарет Бејл и Луис Суарез беа двајцата најдобри фудбалери минатата сезона во Премиер лигата на Англија", изјави Роџерс.

"Невозможно е да кажеш дека Бејл чини двојно повеќе. Нашиот клуб е убеден во тоа што го прави и никој нема да син замине одовде. Се разбира, има перспектива, според која сакаш да ги имаш само оние фудбалери кои се фокусирани на своето претставување овде, и јас многу пати разговарав со Луис за тоа во текот на годината. Гласините може да го попречат играчот, но тој се врати кон тренинзите и добро работи. Нешто повеќе, колку повеќе тој се наоѓа во колективот и во опкружувањето на навивачите, толку повеќе тој ги разбира работите ", рече Роџерс .