- Жозе Мурињо веќе не е специјалниот, сега е среќениот
- Која е разликата помеѓу Челси пред и Челси сега?
- Треба да ги пофалам момците кои даваат се од себе. Тие не се ѕвезди, тие се добри играчи, кои се подготвени да дадат сè за тимот. Не ме сфаќајте погрешно. Јас продолжувам да сакам топ-футбалери, играчи кои ги решаваат натпревари и ги наклонуваат тасовите во твоја корист. Но ако се големи, треба да даде повеќе од другите. За мене да пофалам нормален играч е лесно. А да пофалам топ-играч, не е. Кога еден фудбалер има повеќе потенцијал од другите, треба да го искористи талент поефикасно.
- На што се обидувате да ги научите играчите, сега?
- Еден фудбалер со имагинација треба да го користи својот талент. Ако ја изгуби топката, додека се обидува да изработи или да постигне гол, нема проблем. Ако сепак само се вртка и си прави мајтапи, и ја загуби топката во средината, а потоа не се врати и примиме гол, тоа е голем проблем. Овие луѓе треба да даваат резултати, а не да се забавуваат на теренот. Не е важно да го понижиш противникот и да му ја протнеш топката меѓу нозете. Најважно е да покажеш почит и да ги постигнеш своите цели.
- Еден Азар е еден од нај-надежните млади играчи на Челси. Што ви се плановите за него?
- Ги тренирав: Џо Кол, Робен, Даф, Кристијано Роналдо, Анхел ди Марија и Месут Озил. Играчи како Еден Азар треба да имаат слобода на дејствието. Тоа момче има многу талент. Важно е што ќе направи за да го развие. Најважно е овој талент да донесе резултати - голови, асистенции, голови во големите натпревари. Во фудбалот најважни се резултатите. Јас сум подготвен да му помогнам. Подготвен сум да работам со него. Тој, исто така треба да биде подготвен.
- Хуан Мата беше избран за фудбалер на сезоната од играчите и навивачите. Ќе се потпирате ли на него?
- Нивната анкета беше моја идеја. Навивачите гледаат на тимот на еден начин, а играчите - на друг. И фактот дека Мата ги освои и двете награди, зборува многу. Луѓето го сакаат, а неговите соиграчи ја сакаат работата што ја врши. Се разбира дека тој е во моите плановите. Имам една идеја за него. Каде може да игра подобро. Ќе се обидеме да му помогнеме. Секогаш сум скал играч на десното крило да има посилена лева нога. Такви беа Робен и Даф, потоа го правевме со Пандев во Интер и Ди Марија и Озил во Реал М. Многу клубови го прават така. Во Челзи Мата е најточниот човек кој може да влегува од десното крило кон центарот. Лево го имаме Азар, Моузес, Кевин де Брујн, Шурле. Мата може да игра и во средината.
- Откако Роман Абрамович го купи Челзи, тимот ги освои сите трофеи во Англија и Европа. Има ли веројатност тој да го напушти "Стемфорд Бриџ"?
- Кој знае што ќе беше, ако тој не го купеше Челси во 2003 година? Се прашувам зошто богатите луѓе се заинтересирани за фудбалски клубови. Се сеќавам кога Роман го купи Челси, секој се прашуваше, кога ли мисли да го продаде? Дали го сака фудбалот? Сега сум 100% сигурен дека дури и при голема понуда, Роман нема да го продаде Челси.
За други сопственици не сум сигурен. Не ги познавам, не знам што мислат. Не знам до каде сакаат да стигнат и кога ќе сакаат да престанат. Секој зборуваше дека ако Челси ја освои Премиер лигата или Лигата на Шампионите, Роман ќе го продаде клубот. И сега што? Тој ја освои Премиер лигата и Лигата на Шампионите и сеуште е тука. Тој секогаш гледа кон иднината. Се сеќавам, кога почнавме да градиме тренинг комплекс во Кобем. Тогашниот извршен директор Питер Кенион и јас бевме загрижени за условите, но Роман секогаш сакаше повеќе. Зошто да направиме 4 игралишта, кога можеме да направиме 15 за децата, за иднината? Зошто да ги тренираме играчите на друго место, кога можеме даги тренираат кај нас? Тој го отвори патот на новите сопственици во англискиот фудбал. Тој направи многу и беше еден од првите. Тој даде шанса на останатите зад него да бидат добро пречекани. Во тоа време беше тешко, бидејќи Роман беше на нишан. Не бевме љубени во тоа време. Сега гледате луѓето си купуваат клубови во Франција, Англија, Италија - ете, индонезиец купува 70% од Интер. Работите се менуваат. И луѓето го прифаќаат подобро тоа.
- Многу луѓе во Англија го обвинуваат Челси дека се обидува да ја победи конкуренцијата со фрлање големи пари?
- Се сеќавам на нешто што Сер Алекс Фергусон го рече кога Јунајтед ја освои Премиер лигата во 2007 година. Тој рече дека причината неговиот тим да биде посилен во таа година, е дека Челси бил исто така многу силен. Кажа: "Во последните 2 години тие ни убија и разбравме дека она што го правиме, не е доволно". И тие вложија пари и го кренаа нивото.
- Така е, но Арсен Венгер еднаш го обвини клубот во употреба на т.н. финансиски допинг?
- Тој е многу добро човек. Кога заминав од Англија, почнавме да се гледаме почесто во УЕФА, на европските и светските првенства и дури вечеравме заедно. Кога не си со еден менаџер во едно и исто првенство, е полесно да се запознаете. Бевме заедно со други тренери на европски екипи и атмосферата беше многу пријатна. Ми се допадна, кога зборувавме за фудбал. Тој е човек со голема култура, многу отворен. Јас многу го почитувам и ќе го правам секогаш.
- Но, пред тоа не бевте големи пријатели?
- Во фудбалот е така. Дури и големите пријатели можат да кажат нешто еден за друг, што нема да им се допадне. Но на крајот јас го почитувам многу и мислам дека и тој мене исто. Не би замерувал, за еден проблем меѓу нас. Јас имам што да научам од него.
Тој е на чело на Арсенал веќе 17 години
Последниот ни разговор беше какојас да останам во Челзи 17 години?
- Арсенал сепак нема трофеј веќе 8 години?
- Од моја гледна точка ова изгледа многу чудно поради мојот менталитет. Но човек може да има работено многу добро за еден клуб и покрај тоа да не освои трофеј. Луѓето го почитуваат и тој е среќен во Арсенал. Знаете дека тој имаше толку можности да замине во сите овие добри, значајни клубови кои се заинтересирани за него. И кога тој одбива и сака да остане во Арсенал, тоа е затоа што го сака ова место. И бидејќи има очекувања за иднината.
