- На "Олд Трафорд" одлучија: ќе има финална понуда за Цеск
Раководството на Манчестер Јунајтед конечно одлучила да упати трета понуда до Барселона за халфот Цеск Фабрегас. Предлогот ќе го собори досегашниот клупски рекорд на "црвените ѓаволи" од 30,8 милиони фунти, платени за Димитар Бербатов во 2008 година. Новата понуда за Фабрегас ќе биде во висина од 35 милиони фунти плус бонуси. До моментов Барселона ги одби првите два обида на Јунајтед - односно 25 и 30 милиони. Пред неколку дена менаџерот на "црвените ѓаволи" Дејвид Мојс призна дека во клубот размислуваат за нова понуда.
Според "Дејли Меил" и "Манчестер Ивнинг Њуз" одлуката за тоа веќе е донесена. Споменатите 35 милион фунти ќе бидат последен предлог на Манчестер Јунајтед за Фабрегас, беше објавено дека тој не се продава од страна на Барселона. Медиумите во Англија инсистираат дека самиот играч има желба да им се приклучи на "црвените ѓаволи", каде ќе биде повторно со својот поранешен соиграч од Арсенал, Робин ван Перси.
No comments:
Post a Comment