РОЏЕРС: СУАРЕЗ ЈА РАЗБИРА ПОЗИЦИЈАТА НА ЛИВЕРПУЛ.

-  Роџерс: Суарез ја разбира многу добро позицијата на клубот

Менаџерот на Ливерпул, Брендон Роџерс изјави дека Луис Суарез ја разбира многу добро позицијата на клубот, кој одбива да се раздели со големата ѕвезда, иако уругваецот изрази желба да го напушти. До моментов Ливерпул отфрлија две понуди за Суарез од страната на Арсенал.

"Оваа приказна може и да продолжи да биде интерпретирано во медиумите, но за мене не е ништо ново. Луис е среќен. Тој целосно ја разбира гледна точка на клубот. Се наоѓа во тешка ситуација, со оглед на неговата казна и тоа дека нема да може да игра во првите шест натпревари. Фудбалот ќе му недостасува, тој сепак работи напорно и останува дел од тимот. Не е потиснат поради тоа. Тешко е, откако ќе се вратиш од одмор, но тој се адаптира и работи добро. Има потреба од тоа да ја зголеми брзината и ние ќе продолжиме да работиме, за да може сите играчи да бидат подготвени за првиот натпревар од сезоната ", изјави Роџерс.