ФУЛАМ ГИ ПРЕТСТАВИ РЕЗЕРВНИТЕ ДРЕСОВИ.

-  Фулам ги покажа новите резервни дресови

Лондонски Фулам ги покажа новите резервни дресови на тимот за сезоната 2013/14 во англиската Премиер лига.

Како што и официјално од "Крејвен Котиџ" истакнуваат, новата опрема нa adidas е во ретро стил, враќајќи ги спомене за боите на Фулам од сезоната 2000/01.

Тогаш "котиџерс" ги запишаа некои од најпознатите и незаборавни моменти во историјата, освојувајќи промоција во Премиер лигата со импресивна предност со освоени 101 поени.

Новите дресови на Фулам беа претставени од легендите на клубот, честа  ја добија Кит Симонс, Луис Боа Мортен и Руф Бревет.

"Ги сметаме овие дресови, за едни од највозбудливите наши дресови досега", велат од Фулам. Новата опрема на лондончани е во црвена и бела боја.

АРСЕНАЛ ГО ПРОДАДЕ ЖЕРВИЊО НА РОМА

-  Арсенал го продаде Жервињо на Рома

Арсенал и Рома се договорија за трансферот на напаѓачот Жервињо.

"Волците" ќе платат за репрезентативец од Брегот на Слоновата Коска 8 милиони евра.

Напаѓачот веќе ги договорил личните услови со раководството на Рома.

26-годишниот Жервињо не успеа да се наметне во Англија и разочара во двата сезоната, кои помина кај "топџиите".

ПСЖ ОБЈАВИ: ЛУГАНО Е ИГРАЧ НА ВБА.

-  ПСЖ го објави трансферот на Лугано во ВБА

Дефанзивецот Диего Лугано ќе ја продолжи кариерата во ВБА, соопшти официјалниот сајт на Пари Сен Жермен, кој ги поседува правата на играчот. Уругваецот пристигна во парискиот клуб во 2011 година, но не успеа да избори место во првиот состав.

Во јануари оваа година Лугано беше даден на позајмица на шпанскиот Малага, за кој одигра 11 натпревари во Примера дивизион.

КИН: МОЈС НЕ Е ПОДГОТВЕН ЗА ОВАА ТЕШКА ЗАДАЧА !!!

-  Кин: Мојс не е подготвен за оваа работа

Поранешниот фудбалер на Манчестер Јунајтед Рој Кин ги сподели впечатоци од досегашната работа на Дејвид Мојс во Манчестер Јунајтед и исто така ги предупреди љубителите на тимот, рекордер по титули  во Премиер лигата на Англија, дека не треба да очекуваат брзи успеси од шкотскиот стручњак.

"Дејвид Мојс несомнено е добар менаџер кој многу умее и е храбар толку да се научи на многу нешта. Но јас нема да очекувам од него трофеи во неговата прва сезона во Манчестер Јунајтед. Мојс не е подготвен за оваа работа - никој не е подготвен за неа. Сер Алекс исто така не почна брилијантно. Ова прашање се сведува на искуство, кај Дејвид сè ќе дојде со времето. Тој не смее да биде подложен на притисок уште во првата година на неговата работа на "Олд Трафорд", изјави Кин.

ВЕНГЕР: 105 МИЛИОНА ЗА БЕЈЛ, ГО НЕГИРА ФИНАНСИСКИОТ ФЕРПЛЕЈ.

-  Венгер: 105 милиони за Бејл е заобиколување на финансискиот ферплеј

Менаџерот на Арсенал, Арсен Венгер го кажа своето мислење за евентуалниот трансфер на лидерот на Тотнем, Герет Бејл во Реал Мадрид за 105 милиони фунти.

"Изненадувачки е дека во годината кога почнува да дејствува финансискиот ферплеј, фудбалскиот свет конечно откачи. Предлогот на Реал Мадрид е потсмев над оваа иницијатива. Овој трансфер може да има огромно влијание врз светот на фудбалот, тој ќе ги направи работите полоши, отколку што беа порано. Што се однесува до самиот Бејл, секогаш е лошо да губиш одлични фудбалери. Тој е британски играч и мислам дека е многу важно за Премиер лигата да го задржи најдобрите фудбалери ", изјави Венгер.

ЈОВЕТИЌ: ГО ОДБИВ ЈУВЕНТУС ПОРАДИ СИТИ.

-  Јоветиќ:: Откажав на Јувентус поради Манчестер Сити

Напаѓачот на Манчестер Сити, Стеван Јоветиќ призна дека  сакала да премине во англискиот вицешампион, отфрлајќи ја понудата на Јувентус.

"Јувентус ме сакаше. Тие се поврзаа со мојот агент, но разговорите беа повеќе со него отколку со мене. Многу лесно беше да се избере Манчестер Сити. Настасич, Коларов и Џеко ми помогнаа во реализацијата на трансферот", изјави Јоветиќ за Goal.com .

"Многу сум задоволен од трите натпревари кои ги одигравме до овој момент. Средбите од турнирот Audi Cup беа многу важни. Мислам дека има уште многу каде да се развиваме", додаде црногорецот.

КОЛ: НЕ ОЧЕКУВАЈТЕ ПРЕМНОГУ ОД МЛАД ИГРАЧ КАКО ЗАХА.

-  Кол: Не очекувајте премногу од Заха

Поранешниот напаѓач на Манчестер Јунајтед, Енди Кол ги повика навивачите и новинарите да не очекуваат премногу од младата надеж Вилфред Заха во дебитантската сезона за него за "црвените ѓаволи".

"Претпоставувам дека сите со нетрпение очекуваме да го видиме Заха. Тој е млад, многунадежен фудбалери,  минатата сезона се претстави блескаво во Кристал Палас. Во разговорите со останатите блиски луѓе  бо клубот останав со впечаток дека сите очекуваат од него редовно игра и претставување слично на она во неговиот поранешен клуб ",

"Се разбира, овде доаѓа момент во кој очекувањата кон него стануваат опасни. Тој сигурно има квалитети да игра во Манчестер Јунајтед, бидејќи сигурно бил гледан внимателно во минатата сезона. Сега тој е во нова средина, со нови играчи и друг стил на игра. Затоа треба да се избегне овој непотребен притисок во овој важен  момент за него и не треба да се очекува премногу од Заха ", изјави Енди Кол.

ЏЕРАРД: ЛИВЕРПУЛ МОРА ДА ИГРА ВО ЛШ.

-  Џерард: Марката Ливерпул се почитува, но мораме да играме во ЛШ

Капитенот на Ливерпул, Стивен Џерард изјави за медиумите на oстровот дека неговиот тим ќе продолжи да има тешкотии со привлекувањето и задржувањето на квалитетни фудбалери, бидејќи сите тие се заведени од магијата на Лигата на Шампионите.

"Додека имам уште неколку години фудбал на високо ниво - треба да го искористам максимално тоа. Тоа значи да додадам уште медали на моите успеси и да го оставам клубот во Лигата на шампионите, кога ќр го напушти. Тоа е мој личнен предизвик. Ливерпул веќе не е тимот во кој дојдов пред многу години, бидејќи немаме играно долго време во Лигата на Шампионите, а на тој начин станува тешко купувањето на квалитетни играчи. Сите тие разбирливо се привлечени од овој турнир. Плус зад нас е историјата која ја имаме, и за време на овогодинешната турнеја сфатив дека сеуште брендот Ливерпул се почитува. Сепак, за нас е важно да се пласираме во топ 4, за да се вратиме таму каде што ни е местото ", изјави Стивен Џерард.

ВЕНГЕР: ГО САКА СУАРЕЗ, НО СЕ ОСТАНУВА МЕЃУ АРСЕНАЛ И ЛИВЕРПУЛ.

-  Венгер : Го  сакаме Суарез, но тоа е меѓу нас и Ливерпул

Менаџерот на Арсенал, Арсен Венгер призна дека клубот не се откажал од идејата да ја донесе ѕвездата на Ливерпул Луис Суарез, за кого досега "топџиите" упатија две понуди, отфрлени за миг од Ливерпул.

"Не сакам да зборувам за Суарез, бидејќи тоа е меѓу Ливерпул и Арсенал. Ние целосно ги почитуваме она што неговиот клуб сака го да направи. Имаме желба да го земеме Суарез, ако тоа е можно и се оствари на пријателски начин. Силно верувам дека во слични ситуации треба да се зачува колку што е можно поголема доверливост, што е многу тешко во модерниот свет. Но ние работиме напорно, не само за овој случај, но и по други трансфери ", изјави Венгер.

ВЕРМАЛЕН НАДВОР ОД ТИМОТ ОКОЛУ ШЕСТ СЕДМИЦИ.

-  Томас Вермален во аут уште шест недели

Менаџерот на Арсенал, Арсен Венгер изјави дека Томас Вермален нема да бидат достапен во следните шест недели за тимот. 27-годишниот дефанзивец ќе биде аут од терените повеќе од еден месец и половина поради повреда на грбот. При што ќе го пропушти стартот на новата сезона во Премиер Лигата.

"Вермален ќе ги пропушти следните шест недели. Начо Монтреал сепак ќе ги почне тренинзите во понеделник ", коментира Венгер.

ЛИОН ПОТВРДИ, ГОМИС ЌЕ ИГРА ЗА ЊУКАСЛ.

-  Договорено: Гомис ќе игра во Њукасл

Олимпик Лион постигна договор за трансферот на Бафетимби Гомис во Њукасл, потврдија од францускиот клуб.

Се очекува англискиот тим да плати околу 10 милиони евра за 27-годишниот напаѓач, кој реализираше 16 гола за Лион минатата сезона.

"Се надевам дека зделката ќе биде финализирана до 24 или 48 часа. Ќе добиеме осум милиони евра за Гомис, а два милиони ќе бидат распределени во вид на бонуси. Агентите исто така треба да ги финализираат преговорите", коментира претседателот на францускиот клуб Жан-Мишел Ола.

Бафетимби Гомис има одиграни 12 натпревари во дресот на француската репрезентација.

Напаѓачот ќе биде вкупно 11 и фудбалер со француски пасош во Њукасл.

ИДНИНАТА НА РУНИ ВО РАЦЕТЕ НА ФАНОВИТЕ ???

-  Иднината на Руни зависи од навивачите

Напаѓачот на Манчестер Јунајтед, Вејн Руни ќе донесе одлука дали да го напушти клубот или да остане во зависност од реакцијата на навивачите.

Англискиот репрезентативец беше обвинет од поранешниот менаџер Алекс Фергусон дека усно побарал да биде трансфериран по крајот на минатата сезона. Самиот играч не го потврди тоа, но не го криеше својот гнев на реакција откако наследникот на Сер Алекс Дејвид Мојс најави дека не го гледа како прв избор за нападот.

27-годишниот Вејн досега не учествувал во ниту еден од натпреварите на "црвените ѓаволи" од летната подготовка, но пак се очекува да игра против АИК Стокхолм во натпревар во чест на Рио Фердинанд.

Според американската телевизија ESPN реакцијата на навивачите на Руни во овој натпревар ќе му даде основа да донесе конечна одлука за својата иднина.

Челзи е најсериозен кандидат за потписот на ѕвездата и дури веќе упати понуда во вредност од 20 милиони фунти, која беше одбиена.

ЈУНАЈТЕД МУ СЕ ИЗВИНИ СО ПИСМО НА ЕВЕРТОН ЗА МОЈС

-  Јунајтед се извини на Евертон заради Мојс

Евертон добие писмено извинување од Манчестер Јунајтед за начинот по кој поранешниот тренер на "карамелите" Дејвид Мојс беше донесен на работа на "Олд Трафорд". Раководството на "Гудисон Парк" до овој момент е луто на фактот дека три недели пред крајот на шампионатот во Премиер лигата "црвените ѓаволи" објавија дека Мојс ќе го замени Сер Алекс на менаџерскиот пост. Освен тоа Јунајтед неколку месеци пред тоа комуницирал со Дејвид, а сето тоа се одрази на резултатите на Евертон во нивната сезона во Премиер лигата.

Со писмото до Евертон, Јунајтед го достави своето извинување во обид да ги смири тензиите меѓу двата клуба, што може да прерасне во жалбена постапка од страна на "карамелите" до раководството на Премиер лигата.

Навредата на Евертон од своја страна влијаеше врз преговорите меѓу Евертон и шампионот на Англија во однос на дефанзивецот Лејтон Бејнс. Ако сега "црвените ѓаволи" сакаат да го земат дефанзивецот, тие ќе мора да потрошат сериозна сума за тоа.

ВЕСТ ХЕМ ГО ПОСАКУВА АРНАУТОВИЌ ОД ВЕРДЕР.

-  Вест Хем планира да купи австриски репрезентативец

Напаѓачот на Вердер Марко Арнаутовиќ  се најде во сферата на интересите на Вест Хем, објавија британските медиуми. Според информациите, менаџерот на "чеканите" Сем Алардајс му се допаѓаат брзитнта и универзалноста на 24-годишниот фудбалер од националниот тим на Австрија, кој е способен да игра како крило, така и во својство на централен напаѓач.

Играчот веќе е зацртан во видното поле на неколку шпански клуба, но веројатноста Марко да ја продолжи кариерата во Примера е многу мала, освен тоа самиот фудбалер сака да се премести во Лондон. Оваа варијанта со Арнаутовиќ за Вест Хем е најприфатлива, бидејќи трансферот на играчот нема да има висока цена.

РЕДНАП: БЕЈЛ САКА 100% ДА ИГРА ЗА РЕАЛ МАДРИД

-  Реднап: Бејл сака да го напушти Тотнем

Поранешниот менаџер на Тотнем Хари Реднап го искажа своето мислење, дека полудефанзивецот Гaрет Бејл сака да го напушти клубот и да премине во Реал Мадрид.

"Мислам дека нема да му биде лесно на Бејл да го напушти Тотнем. Искрено, претпоставувам дека навистина сака да си замине, но тој не сака да зборува за тоа на глас. Но од различни извори знам дека тоа е неговата желба" 

"Кога како момче почнеш да играш фудбал, ти сонуваш да играш во Реал. Кога бев мал, пред моите очите имаше еден голем тим, во кој играа Пушкаш, Ди Стефано, Хенто. Реал е посебен клуб, а можноста да играш во него се паѓа еднаш во животот. како што рече Зидан, од таков предлог нема како да се откажеш ", изјави Реднап.