УЛИЦА КОЈА ВОДИ ДО ОЛД ТРАФОРД ЌЕ НОСИ ИМЕ НА СЕР АЛЕКС.

-  Улица до "Олд Трафорд" ќе го носи името на Сер Алекс

Улица, која се наоѓа во близина на стадионот "Олд Трафорд" во Манчестер, ќе го носи името на поранешниот менаџер на "црвените ѓаволи", Алекс Фергусон.

Шкотскиот стручњак го раководеше Манчестер Јунајтед во последните 27 години и освои со клубот 13 титули во Англија. Во моментов 71-годишниот Сер Алекс е почесен директор во англискиот шампион.

"Дел од областа околу "Олд Трафорд" ќе носи моето име, тоа е навистина неверојатно", изјави Фергусон.

Улица, која води до стадионот "Олд Трафорд", веќе е крстена на друг поранешен легендарен менаџер на Јунајтед, Мат Бизби.