- Легендарен дефанзивец на Арсенал е скршен и без дом поради проблеми со алкохол и коцкање
Легендарниот дефанзивец на Арсенал и на англискиот национален фудбалски тим Кени Сансом е скршен и бездомник поради проблеми со алкохол и коцкање, соопштува "Сан". 54-годишниот Сансом, кој на неколку пати во последните години преминуваше рехабилитациони програми, во моментов спие на клупа во паркот.
"Бездомник сум од пред десет дена, бидејќи немам никакви пари. Јас сум алкохоличар. Не се чувствувам многу добро. Покрај тоа сум и коцкар. Живејам на улица. Не е пријатно да спиеш на клупа. Пијам колку што можам да соберам. Чекорам по лош пат. Од Арсенал се обидуваат да ми помогнат, но јас морам да си помогнам на самиот себе",изјави Сансом. . Поранешниот лев дефанзивец има 86 натпревари за националниот тим на Англија. Тој ја прекине фудбалската кариера во 1994 година. "Сан" објави уште дека, единствените предмети на Сансом, освен една маичка и кратки гаќи, се "телефон со припејд картичка, картичка за градскиот превоз и банкнота од 20 фунти". Тој сепак продолжува да пие по седум шишиња вино на ден.
No comments:
Post a Comment