СОЛДАДО И ОФИЦИЈАЛНО ВО ТОТНЕМ.

-  Официјално: Солдадо е играч на Тотнем

Тотнем и Валенсија се договорија за трансферот на Роберто Солдадо, објави официјалниот сајт на "Спарси". Останува само 28-годишниот напаѓач да ги помине успешно задолжителните медицински прегледи, по што тој ќе стане третото ново засилување на лондончани ова лето.

Досега Паулињо, кој беше донесен од Коринтијанс за речиси 17 милиони фунти, и Насер Шадли - од Твенте (околу 7 милиони), потпишаа со клубот од "Вајт Харт Лејн". Се претпоставува дека трансферната сума која Тотнем ќе ја плати на Валенсија, е 26 милиони фунти. 

Солдадо, кој има 11 натпревари за националниот тим на Шпанија, постигна 30 гола во 46 натпревари за Валенсија минатата сезона.