МИЛНЕР ГО ЗАШТИТИ СВОЈОТ СОИГРАЧ ЏО ХАРТ

-  Милнер го заштити Џо Харт

Фудбалерот на Манчестер Сити и репрезентацијата на Англија, Џејмс Милнер го заштити соиграчот Џо Харт.

"Тој е жртва на сопствениот успех. Луѓето велат дека Џо Харт играл послабо минатата сезона, но заборавија дека тој освои Златната ракавица"

"Минатата сезона игравме против Борусија Дортмунд во Лигата на Шампионите и тогаш видов едно од најдобрите претставувања на голман во мојот живот. Можевме многу лесно да го загубиме натпреварот со барем 8:1 и тоа воопшто не е претерување. Јас сум среќен полудефанзивец, бидејќи ако згрешам, зад мене има четворица врвни дефанзивци и добар голман, кои ќе ме покриваат. Ако Џо сепак направи грешка и топката се најде во мрежата, ќе го има повеќе критики кон него. Тоа е несреќна страна, да бидеш голман. Тој, сепак, е врвен играч и сме среќни, што е во нашиот состав", изјави Милнер.

КАРЛТОН КОЛ СЕ ВРАТИ ВО ВЕСТ ХЕМ.

-  Карлтон Кол се враќа во Вест Хем

Карлтон Кол се враќа во Вест Хем само два месеци, откако беше ослободен од клубот.

Чеканите не го обновија договорот на напаѓачот, кој потоа преговараше со Кристал Палас, Хал Сити, Сент Етиен и тимови од Турција, но не успеа да постигне договор, и уште е без тим.

Лондончани не успеаја да донесат напаѓач на крајот на трансферниот периодот, сега се одлучиле да го земат повторно 29-годишниот фудбалер, кој беше дел од тимот во текот на 7 години.

"И покрај обидите на претседателот Дејвид Саливен и на менаџерот Сем Алардајс, Вест Хем не успеа да ги оствари трансферите кои ги сакаше во понеделникот. Клубот е среќен да соопшти, дека најпопуларниот меѓу навивачите Карлтон Кол ги мина медицинските прегледи и се очекува да се врати на "Болејн Граунд" со краткорочен договор", се вели во официјалното соопштение.

ЊУКАСЛ ПРАТИ НА ПОЗАЈМИЦА ИГРАЧ ВО ДИЖОН.

-  Њукасл прати на позајмица халф во Дижон

Халфот Ромен Амалфитано му се приклучи на францускиот фудбалски клуб Дижон со договор за позајмица за една година од англискиот клуб Њукасл. 24-годишниот Амалфитано премина во редовите на Њукасл минатата сезона со трансфер од Ремс, но помина малку време на теренот за "страчките". Тој одигра само четири натпревари, сите одиграни во Лига Европа.

ЕВЕРТОН ГИ НЕГИРАШЕ ИНФОРМАЦИИТЕ ЗА ОТКАЖАНИТЕ БОНУСИ ОД ФЕЛАИНИ.

-  Евертон негираше за одбиени бонуси од Фелаини

Евертон ги демантира информациите дека Маруан Фелаини се откажал од бонусите за лојалност во висина од 4 милиони фунти, за да оствари трансферот во Манчестер Јунајтед. "Карамелите" информираа дека "црвените ѓаволи" сами ќе ја платат сума во износ од 27,5 милиони фунти.

Со доставувањето на барање за трансфер непосредно пред 20:00 часот, Фелаини му гарантира на Евертон, дека нема да бидат принудени да му плаќаат на играчот £ 4 милиони бонуси за лојалност, што им овозможило на двата клуба да се договорат за висината на трансферот од £ 27.5 милиони, соопшти "Телеграф".

Но директорот за комуникациите на Евертон, Алан Маерс ги демантираше овие претпоставки. Тој на "Твитер" напиша: За оние кои прашуваат: Не, Фели не платил 4 милиони фунти од трансферната сума. Клубот купувач ќе плати 27,5 милиони фунти."

Алан Маерс

МУРИЊО: ЛУКАКУ ЌЕ ДОБИВАШЕ ВРЕМЕ ЗА ИГРА, НО ТОЈ САКАШЕ ДА БИДЕ СТАРТЕР.

-  Мурињо: Лукаку ќе добиваше време за игра во Челси

Менаџерот на Челси, Жозе Мурињо ја коментираше разделбата со Виктор Моузес и Ромелу Лукаку во последниот ден од трансфер прозорецот.

"Мислам, дека веќе треба да бидат прекинати разговорите за купо-продажба на фудбалери. Ва последниот ден секој може да го напушти клубот. Мораме да мислиме за тимот, но исто така, нека ги имаме во предвид и интересите на самите фудбалери. Решивме дека трансферите на Моузес и Лукаку, кој со радост сакавме да ги задржиме, ќе бидат од корист за клубот и за самите играчи. Ги имаме Торес, Демба Ба и Ето. Лукаку ќе добиваше време за игра, но тој сакаше да излегува на терен секоја Недела. Имаше опции и предлози кон него, па мора да ја почитуваме неговата одлука ", изјави Мурињо.

ПАРДЈУ: НЕМАВМЕ ДОВОЛНО СРЕДСТВА ЗА НОВИ ИГРАЧИ

-  Пардју го објасни отсуството на трансфери во Њукасл

Менаџерот на Њукасл, Алан Пардју, призна дека финансиските ограничувања го попречиле неговиот клуб да изврши барем еден трансфер ова летниот трансфер прозорец.

"Џо упорно работеше над неколку цели, особено во потрага на играчи од напаѓачката линија. Но, некои опции, достапни во финансиски план, се покажаа не подобри играчи од оние со кои располагаме во моментов. Нема смисла да потпишуваме со фудбалери, ако тие нема да не зајакнат или да ни помогнат да се движиме напред ", рече Пардју.

ХОЛОВЕЈ КАЗНЕТ СО 2 НАТПРЕВАРИ И ПАРИЧНА КАЗНА.

-  Го казнија Холвеј за два натпревари

Менаџерот на Кристал Палас, Јан Холвеј беше дисквалификуван за два натпревари, соопшти официјалниот сајт на Фудбалската асоцијација на Англија. Според информациите, одлуката е донесена во врска со однесувањето на експертот во натпреварот против Тотнем од 18 август и коментари по дуелот.

Освен тоа Холвеј ќе плати парична казна во износ од 18 000 фунти.

ОСКАР СЕ ЧУСТВУВАМ ПОСАМОУВЕРЕНО И ПОИСКУСНО

-  Оскар: Се чувствувам поуверен

Полудефанзивецот на Челси, Оскар ги кажа своите очекувања од сезоната 2013/14 во Премиер лигата.

"Се чувствувам малку помирен и сигурен во своите способности во оваа сезона. Верувам дека ќе постигнам повеќе погодоци во оваа сезона. Задоволен сум од тоа како се одвиваат работите кај нас. Ја почнавме сезоната на одличен начин, и да завршиме добро, а јас да му помогнам на тимот да освои трофеи. Пред една година бев добро прифатен од соиграчите, кои ми помогнаа да напредувам. Напредувави можам да играм не помалку, отколку минатата година ", изјави Оскар.

РЕДНАП: ТОТНЕМ ИМА ПОДОБАР СОСТАВ ОД АРСЕНАЛ.

-  Реднап: Ќе биде изненадување ако Тотнем заврши под Арсенал

Поранешниот менаџер на Тотнем, Хари Реднап е убеден дека сегашниот состав на "Спарс" е способен да се бори за највисоките места во првенството на Премиер лигата на Англија.

"Нема да е лесно да се справат со вакво количество добри фудбалери. Според мене, во моментов Тотнем има најдобриот тим во првенството. Тие потпишаа со неверојатни играчи и сега "Спарс" се вистинска сила. Тие имаат одличен тим, кој е во можност да се бори за титулата. Ќе бидам многу изненаден ако Тотнем заврши под Арсенал оваа сезона ", изјави Реднап.

МУРИЊО: ЈАС ГО СПРЕЧИВ ТРАНСФЕРОТ НА ДЕМБА БА.

-  Мурињо: Јас го сопрев Ба, бидејќи Арсенал стануваше кандидат за титулата

Жозе Мурињо призна зошто во последен момент одлучил да не го пушти напаѓачот Демба Ба на позајмица во Арсенал.

"Озил е уникатен фудбалер и во него има помалку од Зинедин Зидан и Фиго. Го познавам многу добро и со него се игра лесно. Арсенал направи многу силен трансфер. Токму поради привлекувањето на Месут го запрев трансферот на Демба Ба, бидејќи со него и Озил, Арсенал стануваше кандидат за титулата ", изјави Мурињо.

ВИВИ ЏОНС: СЕ ГЛЕДА КРАЈОТ НА АНГЛИСКИОТ ФУДБАЛ.

-  Џонс: Крајот за англискиот фудбал ќе настапи по заминувањето на Руни и Лампард

Поранешниот фудбалер на Лидс, Вимблдон, Челси и националниот тим на Велс, а во моментов актер во Холивуд, Вини Џонс, предвиде крај за англискиот фудбал, по напуштањето на Лампард и Руни, а исто така, призна дека поради многуте емигранти на Островот, тој не сака да се врати во својата татковина.

"Ова не е Англија, а некоја европска земја без име. Јас пораснав во друга држава. Ако ви ги врзам очите, ве качат во авионот во Лос Анџелес и ве го свалат превезот по приземјувањето во Лондон, вие нема да дознаете каде се наоѓате. Играчите легионери и менаџери во Премиер лигата го уништуваат англискиот фудбал. Колку многу се нервирам, кога гледам како овие играчи сакаат картон за тоа дека, некој малку ги турнал или соборил на земјата. Пред тоа немаше такво нешто. Но јас за ова предупредував уште пред 20 години. Никој не ме слушаше. Сега во светот на фудбалот владеат парите. Но наскоро ќе си заминат Вејн Руни и Франк Лампард и токму тогаш ќе дојде крај на англискиот фудбал ", изјави Џонс.

НАЈУСПЕШНИОТ МЕНАЏЕР ВО ФУДБАЛОТ, СЕР АЛЕКС ФЕРГУСОН ЈА ПРОМОВИРА СВОЈАТА АВТОБИОГРАФИЈА.

-  Ја издаваат биографија на Алекс Фергусон

Промоцијата на автобиографијата на Сер Алекс Фергусон ќе се одржи на 23 октомври 2013 година во Лондон. Предвидено е да има и специјални промоции во различни градови во Велика Британија, каде гостин ќе биде поранешниот менаџер на Манчестер Јунајтед. Салфорд (северозападна Англија) Глазгов и Абердин (Шкотска), Даблин (Ирска) и повторно Лондон, се некои од местата на кои на крајот на Октомври и почетокот на Ноември ќе гостува Сер Алекс по повод издавањето на книгата. За 23 Октомври е предвидена специјална прес-конференција во англиската престолнина, на која треба да присуствуваат издавачот, авторите на книгата, како и Алекс Фергусон. Автобиографијата на поранешниот менаџер на Манчестер Јунајтед, Сер Алекс Фергусон ќе биде пуштена во продажба на 24 Октомври.

СУАРЕЗ ЌЕ ИГРА НА КРИЛНАТА ПОЗИЦИЈА ВО ЛИВЕРПУЛ.

-  Суарез се враќа како крило во Ливерпул

Голгетерот на Ливерпул во минатата сезона Луис Суaрес ќе се врати во улогата на крило во првиот состав на Ливерпул, кога ќе му истече казната. Уругваецот треба да истрпи уште два натпревари од казната од десет средби што му беше наметната поради каснувањето на Бранислав Ивановиќ. Суарез ќе биде во составот за дербито од "Кепитал Ван Кап" против Манчестер Јунајтед на 25 Септември. Се очекува Ливерпул да изгледа доста занимливо во нападот кога уругваецот се врати. Најверојатно тој ќе игра по крилната позиција. На врвот на нападот ќе остане Даниел Стариџ, кој ги реализира сите три шампионатни гола на тимот на почетокот на сезоната. На другиот крило ќе игра новото засилување Виктор Моузес, додека Филипе Кутињо кој играше како лево крило, ќе биде преместен зад Стариџ и ќе ги влече конците во нападот на "црвените".

ФЕЛАИНИ СЕ ОТКАЖАЛ ОД 4 МИЛИОНИ ФУНТИ ЗА ДА ПРЕМИНЕ ВО ЈУНАЈТЕД.

-  Фелаини се откажал од 4 милиони поради трансферот во Јунајтед

Трансферот на полудефанзивецот Маруан Фелаини од Евертон во Манчестер Јунајтед неколку часа пред затворањето на тарансфер прозорецот се наоѓал на границата на неуспехот. "Црвените ѓаволи" предложиле за 25-годишниот фудбалер на репрезентацијата на Белгија не повеќе од 23,5 милиони фунти - токму тоа е износот за откуп на договорот на Маруан, кој беше во сила до 31 Јули и повторно требаше да биде активиран по 1 Јануари 2014 .

Според информациите Евертон побарал за Фелаини 27.5 милиони фунти и кога работите оделе кон тоа договорот да не се реализира во Понеделникот, околу 20 часот по локално време фудбалерот упатил официјално барање за трансфер, со што практично се откажал од бонус во размер на 4 милиони фунти, кој би требало да добие, останувајќи во мерсисајдскиот клуб.

СИНОТ НА МУРИЊО ПОТПИША ЗА ФУЛАМ.

-  Фулам го зеде синот на Мурињо

Синот на Жозе Мурињо-Жозе Марио, има потпишано договор со лондонскиот клуб Фулам, тврди "А Бола". Момчето ќе игра за детскиот тим на "котиџерс" до 14 години. 14-годишниот Жозе Марио игра како голман и оди по стапките на својот дедо Феликс Мурињо, кој го бранел голот на Виторија Сетубал, и Белененсес и дури има еден натпревар за репрезентацијата на Португалија.