ОФИЦИЈАЛНО: ХАЛ СИТИ ГО ЗЕДЕ ГЕДО НА ПОЗАЈМИЦА ОД АЛ АХЛИ.

-  Хал Сити потпиша со египетски репрезентативец

Хал Сити успеа да потпише со напаѓачот на Ал Ахли и националниот тим на Египет, Гедо. Според информации на официјалниот сајт на клубот од Премиер лигата, 29-годишниот фудбалер ќе игра на позајмица за "тигрите". Се претпоставува дека во договорот е вклучена и клаузула за купување на играчот по завршувањето на сезоната.

Минатата сезона Гедо веќе играше за Хал Сити, постигнувајќи 5 гола во 12 натпревари.

МОЈС: ФЕЛАИНИ Е ОДЛИЧЕН ФУДБАЛЕР, КОЈ ПОСЕДУВА ВРВЕН КВАЛИТЕТ.

-  Мојс: Фелаини ќе ни направи посилни

Менаџерот на Манчестер Јунајтед, Дејвид Мојс го коментираше привлекувањето на полудефанзивецот на Евертон Маруан Фелаини. Како што е познато, буквално во последните минути на трансфер прозорецот шампионите успеаја да потпишат со белгискиот репрезентативец.

"Работев со Мруан во текот на пет години и се радувам, што тој се одлучи да дојде во Манчестер Јунајтед. Тоа е моќна фудбалер кој поседува големо мајсторство. Мислам дека е во состојба да го засили нашиот тимот", изјави Мојс.

РОЏЕРС ЗАДОВОЛЕН ОД ЛЕТНИОТ ТРАНСФЕР ПРОЗОРЕЦ НА ЛИВЕРПУЛ.

-  Роџерс: Задоволен сум од работата ни на трансфер пазарот

Менаџерот на Ливерпул, Брендон Роџерс го коментира летениот трансфер прозорец на клубот.

"Многу сум задоволен. На трансфер пазарот ова лето проработивме многу продуктивно. Зделката со Сако за многу луѓе е изненадување, бидејќи тој е француски репрезентативец и има добра статистика во ПСЖ. Тој и Тиаго Илори се навистина добри централни дефанзивци, кои не се само во состојба да донесе полза за Ливерпул, но одлично се вклопуваат во изградбата на новиот тим. Моузес добро работи со топката, тој поседува прекрасна техника, може да игра како и од лево и од десно. Навивачите ќе се заљубат во него, бидејќи тој сака да ги надиграва противници лице в лице, не се плаши да влезе во дуел, но освен тоа има одлична играчка дисциплина ", изјави Роџерс.

ОФИЦИЈАЛНО: ЗВЕРОТИЌ Е ИГРАЧ НА ФУЛАМ

-  Фулам потпиша со црногорски репрезентативец

Фулам го објави трансферот на дефанзивецот на Јанг Бојс, Елсад Зверотиќ. Според информации на официјалниот сајт на англискиот клуб, 26-годишниот фудбалер на репрезентацијата на Црна Гора потпишал со "котиџерс" договор по шемата "2 +1".

Детали од договорот, како и финансиските  параметри не се откриваат.

Зверотиќ може да игра не само во одбраната, но и во средината на теренот.

ГАЗИДИС УВЕРЕН ВО КВАЛИТЕТИТЕ НА ВЕНГЕР.

-  Газидис: Веруваме дека Венгер може да освои трофеи

Извршниот директор на Арсенал, Иван Газидис кажа за довербата на раководството на клубот во менаџерот на тимот Арсен Венгер. Како што е познато, францускиот специјалист  последниот  трофеј со тимот на Арсенал го освои во 2005 година, и тоа предизвика многу упатени критики кон него во последната сезона.

Шефот на Арсенал целосно го поддржува ова гледиште.

"Како и сите кои го сакаат Арсенал, мистер Кронке сака тимот да освои трофеи. И тој верува дека Венгер може да ги постигне овие цели", изјави Газидис.

ОФИЦИЈАЛНО: ОДЕМВИНГЕ Е ИГРАЧ НА КАРДИФ.

-  Одемвинге премина во Кардиф

Кардиф Сити потпиша со напаѓачот Питер Одемвинге, соопштува официјалниот сајт на велшаните.

Поранешниот фудбалер на УБА е осмото ново засилување на Кардиф, кое го чинеше клубот од Велс, 2.5 милиони фунти.

"Мило ми е што доаѓам овде. Тоа е клуб кој се развива брзо и многу сум ентузијазиран. Се надевам дека брзо ќе се вклопам во колективот и ќе сум на линија за претстојното гостување на Хал Сити", изјави Одемвинге.

Нигерискиот репрезентативец играше три години за ВБА и даде 30 гола во Премиер лигата за Албион.

ОФИЦИЈАЛНО: ЕВЕРТОН СЕ ЗАСИЛИ СО МакКАРТИ, БАРИ И ЛУКАКУ.

-  Евертон зеде тројца нови фудбалери

Евертон се засили со тројца фудбалери. Полудефанзивецот Џејмс МакКарти пристигна на "Гудисон Парк" од Виган за сума од 13 милиони фунти и потпиша со "карамелите" долгорочен договор.

Уште двајца фудбалери пристигнаа во Евертон - на позајмица до крајот на сезоната за мерсисајдци ќе играат полудефанзивецот на Манчестер Сити Гарет Бери и напаѓачот на Челси Ромелу Лукаку.

НОВ РЕКОРД ПО БРОЈ НА ПОТРОШЕНИ СРЕДСТВА ВО АНГЛИЈА.

-  Нов рекорд за најмногу потрошени пари во Премиер лигата

Фудбалските клубови во Англија ова лето потрошија околу 745 милиони евра на трансфер пазарот на фудбалери, кој беше затворен во понеделникот вечерта, на тој начин го подобрија својот претходен рекорд од 2008 година (588 милиони евра за трансфер на фудбалери), пренесе агенцијата Франс прес, повикувајќи се на истражување на кабинетот Делоит. Покрај светската економска криза, која го засегна и фудбалот, трошоците за трансфери на фудбалери, ова лето во Англија е со 29 проценти повеќе во споредба со минатата година: Премиер лигата потрошила "само" 580 милиони евра за привлекување на нови фудбалери. Освен тоа англиските клубови потрошија 120 милиони помеѓу себе за внатрешни трансфери.

ВАН ПЕРСИ: ЌЕ ИГРАМ УШТЕ ДЕСЕТ ГОДИНИ.

-  Ван Перси: Го гледам Гигс, ќе се обидам да играм уште 10 години

Напаѓачот на Манчестер Јунајтед и на холандскиот национален тим Робин ван Перси е убеден дека предстојното светско првенство2014 година во Бразил нема да биде неговото последно натпреварување во кариерата. 

"Во Бразил сакаме да се претставиме подобро отколку на Евро-2012 година. И Светското првенство нема да биде моето последено големо натпреварување во меѓународната кариера, Јас никогаш не сум имал тешки повреди и едвај ќе имам проблеми со мускулите. Ќе можам да играм уште десет години. Ми дава стимул тоа, кога гледам како изгледа Рајан Гигс секој ден работи на тренинзите и како игра фантастично на натпреварите", изјави Ван Перси.

"ГРМУШКАТА" ГО ЗЕДЕ БРОЈОТ 31 ВО ЈУНАЈЕД.

-  Маруан Фелаини зема број 31 во Манчестер Јунајтед

Новото засилување Маруан Фелаини ќе игра со бројот 31 во Манчестер Јунајтед. Белгискиот репрезентативец премина од Евертон на "Олд Трафорд" за 27.5 милиони фунти. Фудбалерот повторно ќе работи со Дејвид Мојс, кој до минатата сезона беше менаџер на "карамелите", а сега е на чело на Јунајтед.

Белгиецот премина во Евертон од Стандард Лиеж во 2008 година, по што одигра 173 натпревари во дресот на "карамелите". Маруан Фелаини има и 42 натпревари во дресот на белгискиот национален тим.

ПОДОЛСКИ АУТ ТРИ МЕСЕЦИ ОД ТЕРЕНИТЕ.

-  Подолски ќе биде надвор од игра околу три месеци

Фудбалерот на Арсенал, Лукас Подолски ќе отсуствува од игра околу три месеци, што е доста подолго време од првичното очекувања. 

"За жал ќе отсуствуваат подолго од очекуваното, околу три месеци", рече Подолски за весникот "Билд". Германскиот репрезентативец доби мускулно истегнување а левата нога при победата со 2:0 над Фенербахче во плејофот од Лигата на Шампионите во крајот на Август. Така Подолски ќе ги пропушти и  квалификациите за светко првенство на Германија во Септември и Октомври.

ПРОПАДАН ТРАНСФЕРОТ НА КОЕНТРАО ВО ЈУНАЈТЕД.

-  Договорот за Коентрао пропадна поради часовникот

Левиот бек на Реал Мадрид, Фабио Коентрао останува на "Сантијаго Бернабеу". Ова стана јасно откако Манчестер Јунајтед не успеа да го реализира договорот за трансфер пред истекот на трансфер прозодецот. "Црвените ѓаволи" се насочија кон португалецот по неуспешниот обид да го земат Лејтон Бејнс од Евертон. Веднаш по затворањето на трансфер прозорецот англиските медиуми го објавија договорот за Коентрао, кој требаше да игра на позајмица на "Олд Трафорд". Малку подоцна, сепак стана јасно дека времето за обработка на документите истекло и Коентрао останува без трансфер. Така Коентрао останува играч на Реал Мадрид.

ПРВИТЕ ЗБОРОВИ НА ФЕЛАИНИ КАКО ИГРАЧ НА ЈУНАЈТЕД.

-  Фелаини: Манчестер Јунајтед е најголемиот клуб во светот

Новото засилување на Манчестер Јунајтед Маруан Фелаини изрази огромно задоволство од трансферот на "Олд Трафорд". 

"Многу, многу сум среќен. Ова е голем момент за мене. Чекав многу долго работев напорно за тоа и сум многу среќен да што преминав во овој голем, голем клуб. Се надевам да направам сè за овој клуб. Се разбира, дека секогаш сум сакал да дојдам овде. Манчестер Јунајтед е најголемиот клуб во светот. Пробав сè да за дојдам во овој клуб. Беше тешко, беше многу долг ден. Чекав до крајот. Ја знам ситуацијата, но овој ден беше навистина многу долг ".

"Ова е голем стадион, голем клуб. Се надевам дека ќе можам да постигнам многу погодоци за Манчестер Јунајтед. Кога бев дете, за мене беше сон да играм за Манчестер Јунајтед. Сега сум тука и ќе се обидам да го дадам најдоброто за клубот. Сакам да освојам трофеи. Ова е најважното нешто ", озјави Фелаини во краткото интервју.

ОФИЦИЈАЛНО: ФЕЛАИНИ Е ИГРАЧ НА ЈУНАЈТЕД.

-  Манчестер Јунајтед го постигна своето со Фелаини

Шампионот на Англија, Манчестер Јунајтед сепак оствари трансферна сериозно име за функцијата внатрешен полудефанзивец, откако го купи белгискиот репрезентативец Маруан Фелаини од Евертон. Менаџерот на "црвените ѓаволи" Дејвид Мојс направи сé за да донесе барем еден нов фудбалер на "Олд Трафорд" и неговите напори беа наградени, откако клубот го победи часовникот, за да го реализира навреме договорот за Фелаини. Самиот фудбалер порано во последниот ден од трансфер пазарот поднесе барање за трансфер, за да притисне шефовите на Евертон да го пуштат во 20-кратниот шампион. Позната е  цената која Манчестер Јунајтед ќе плати за Маруан Фелаини. Во касата на Евертон ќе влезат 32 милиони евра или 27.5 милиони фунти.

"Работев пет години со Маруан во Евертон и сум среќен што тој дојде во Јунајтед. Тој е одличен играч и ќе го засили чувствително нашиот тим", изјави менаџерот на "црвените ѓаволи" Дејвид Мојс.

БУКМЕЈЌЕРСКА КУЌА ПОТПИША СПОНЗОРСКИ ДОГОВОР СО ТРИ ТИМА ОД ЕЛИТАТА.

-  Букмејкерска куќа  потпиша со три клуба од Премиер лигата

Меѓународната компанија за онлајн обложување SBOBET потпиша со три клуба од англиската Премиер лига - Свонси, Вест Хем и Саутхемптон. Букмејкерите стануваат официјален партнер на обложувањето на тимовите во Азија за сезона 2013/14.

Договорот ќе му обезбеди на SBOBET над 1000 минути реклами на стадионите во Англија до крајот на сезоната. Пред неколку недели брендот стана спонзор на уште два тима од Премиер лигата - Хал Сити и Норич.